O Servizo de Bono Social Eléctrico lévase a cabo todos os mércores, de 10.00 a 12. 00 horas, no Salón de Plenos
O Concello de Teo puxo en funcionamento o Diverteo no mes de agosto, co que cubre así todos os períodos vacacionais non lectivos, uníndose así aos xa existentes nos meses de xuño e setembro e nas vacacións de Nadal e Semana Santa.
Este programa pretende ser unha ferramenta de axuda para as familias na conciliación familiar e laboral e está destinado a nenos e nenas escolarizados nos CEIPs e CRA entre 3 e 12 anos, con preferencia para os empadroados en Teo.
Os participantes que accedan a este servizo tiveron que ter un mes sen asistir a DiverTeo durante o curso anterior. O concelleiro de Benestar, Ignacio Iglesias, explica que esta condición establécese para “harmonizar a conciliación da vida laboral e familiar co dereito ás vacacións fóra do espazo habitual dos nenos e nenas”.
O Diverteo agosto funcionará en dúas quendas, unha na primeira quincena e outro na segunda quincena do mes de agosto no colexio da Ramallosa en horario de 07:30 ás 15:30 horas.
O Diverteo desta primeira quincena de mes comezou xa cun total de 14 nenas e nenos participantes, mentres que o da segunda quincena ten un total de 16 inscritos e inscritas.
Este servizo ten un prezo mínimo diario de 5 euros e un máximo de 9 euros no caso de solicitar comidas.
Diverteo en setembro
O DiverTeo convocarase tamén para o mes de setembro, entre os días 1 e 8, agás na fin de semana. Neste caso, haberá 150 prazas e desenvolverase nos colexios de Calo, da Ramallosa e dos Tilos.
Máis novas
