O Concello realizará un novo curso de preparación das probas para obter o título de Graduado en ESO

O Concello de Teo oferta, un ano máis, o curso de preparación das probas para a obtención do título de Graduado en ESO que será de balde e terá unha duración de seis meses. Está previsto que comece a mediados de febreiro e as clases impartiranse na Casa Común de Oza en horario de 20.20 a 22.40, de luns a venres.

Esta oferta educativa está dirixida a aquelas persoas maiores de 18 anos, ou que os cumpriran antes de rematar o 2017, e que non dispoñan deste título. Para participar no curso hai que presentar a solicitude no Rexistro Xeral do Concello entre o 26 de xaneiro e o 13 de febreiro acompañándoa do DNI do solicitante. A instancia de solicitude pódese recoller nas oficinas municipais ou descargar premendo aquí.

O Concello oferta oferta 35 prazas para este curso e a admisión farase por orde de entrada da solicitude no Rexistro xeral do Concello, tendo preferencia as persoas empadroadas en Teo. Para a posta en marcha da actividade establécese un número mínimo de persoas inscritas. No caso de non haber suficientes solicitudes non se poñerá en marcha.