Escola ecoloxista "Ruta cavernícola"

Mocidade programa unha nova xornada da Escola ecoloxista este sábado 24, desta volta para facer unha "Ruta cavernícola". Trátase dunha andaina na que se utilizará a arte rupestre de Teo, concretamente na zona de Loureiro, como excusa para repensar a nosa forma de vida. Esta actividade está dirixida a nenos/as de 12 a 18 anos e para participar só hai que enviar un correo-e a mocidade@teo.gal. A hora prevista para a saída dende o lavadoiro de Loureiro son as 17:30 horas e ten unha duración prevista dun par de horas. Se precisas transporte para achegarte ao punto de saída podes especificalo no correo.