Abre o prazo para anotarse nas actividades do ActivaTeo 2025

Hoxe abre o prazo para anotarse no programa ActivaTeo, do Departamento de Benestar Social do Concello, para o curso 2025. Están pensadas para que as persoas maiores ou con discapacidade poidan realizar exercicio físico moderado, efectúen tarefas de estimulación cognitiva e, de paso, teñan espazos de relación. O obxectivo principal é que estas persoas poidan reforzar a súa capacidade física e mental para poder manter unha vida indepentente, evitando na medida do posible que o paso dos anos non signifique un empeoramento da súa calidade de vida.

O prazo para anotarse ábrese o hoxe, 18 de decembro, e poderán facelo de forma telefónica chamando ao 981 809 707 ou ben presencial achegándose ao departamento de Servizos Sociais, situado no edificio do auditorio municipal. No caso dos cursos de Internet e teléfono móbil deberán pasar polo departamento de Administración Electrónica e Apoio Dixital. 

Estes cursos de envellecemento activo ofrecen de balde ximnasia terapéutica e de memoria,  así como clases de exercicio para persoas con enfermidades crónicas. Seguirase cos cursos de iniciación á Internet e ao teléfono móbil, ademais dos cursos de piscina na Ramalllosa, que custan seis euros cada mes. 

Horarios