O Servizo de Bono Social Eléctrico reanudarase o 3 de setembro de 2025
O concelleiro de Servizos Sociais e Relacións Veciñais, Juan Cerqueiro, acompañado pola alfabetizadora dixital do Concello, Silvia Casas, fixo entrega esta mañá dos diplomas acreditativos dunha nova edición do curso para maiores sobre perfeccionamento de Internet e teléfono móbil.
Nesta quinta edición participaron un total de nove persoas, veciñas de Teo e maiores de 60 anos, que comezaron o curso o pasado 14 de febreiro e rematan hoxe a súa formación de 18 horas. Trátase da segunda parte dos cursos de iniciación á Internet e ao teléfono móbil, que permiten ampliar os coñecementos adquiridos na primeira fase.
Ademais, cómpre lembrar que o período de inscrición para os cursos de iniciación e perfeccionamento está aberto de forma permanente, polo que as persoas que se queiran anotar deben pasar polo Consistorio para cubrir a súa correspondente solicitude.
