Astronomía e Cultura nas noites de estrelas do Concello de Teo

No mes de agosto volve unha nova sesión de  Astronomía e Cultura nas noites de estrelas do noso concello.

O Departamento de Cultura programa para o día 15 de agosto a segunda sesión do verán. Partiremos ás 22:00 horas da Carballeira da Igrexa de Luou para dirixirnos ao Petroglifo da Pena Bicuda e desde alí descubrir a Astronomía Cultural no noso territorio.

A actividade ten unha duración aproximada de 3 horas e para gozar plenamente desta noite, recomendamos levar:

• Lanterna
• Roupa axeitada e de abrigo, xa que pola noite a temperatura pode baixar
• Calzado axeitado para camiñar polo monte
• Algo para sentarse ou pousar no chan como unha manta ou o que se considere
• Ser puntuais cos horarios de chegada
• E moitas ganas de desfrutar do ceo e da natureza!

Data: venres 15 de agosto.

Hora: 22:00 h.

Lugar: Carballeira da Igrexa de Luou

IMPORTANTE: No momento da inscrición é necesario indicar o nome completo, DNI, data de nacemento e procedencia de tódolos asistentes no apartado OBSERVACIÓNS.

Se unha vez reservada a praza non poden asistir agradecemos que o comuniquen no Departamento de Cultura.