O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
Na sesión plenaria realizada este primeiro de xullo, un dos acordos tomados, neste caso por unanimidade de todos os grupos políticos representados na Corporación Teense, foi o de asinar a declaración institucional polo Día da Diversidade Sexual.
O 28 de xuño é o día no que se reivindica a nivel mundial a diversidade da identidade de xénero e orientación sexual. Un día que naceu en lembranza dos disturbios de Stonewall (Nova York), e no que actualmente se celebra o recoñecemento formal dos dereitos das persoas lesbianas, gais, bisexuais, transexuais, intersexuais e de todas as persoas fundamentado en valores universais e democráticos como a igualdade, o respecto, a diversidade ou a liberdade.
Así pois, o Concello de Teo, nesta declaración plenaria, súmase ás voces que claman por un futuro en igualdade de todas as persoas ao marxe da súa identidade sexual e/ou de xénero e da súa orientación sexual.
Reafirma tamén o compromiso cos dereitos humanos e, en consecuencia, coa diversidade sexual, así como da non discriminación das persoas pola súa orientación sexual ou identidade de xénero, rexeitando e condenando todo comportamento contrario a estes dereitos.
E por último, reafirma a necesidade de investir en políticas en favor da non discriminación das persoas pola súa orientación sexual ou identidade de xénero a través do desenvolvemento de programas e proxectos de atención, información, formación, sensibilización e concienciación.
Pódese consultar a declaración completa aquí.
Adjunto | Tamaño |
---|---|
declaracion institucional polo 28 de xullo.pdf | 247.33 KB |