Educar en familia: xestión de conflitos

Esta sesión formativa servirá para identificar os diferentes estilos de afrontamento e a importancia das habilidades socioemocionais na xestión das situacións conflitivas cos nosos fillos e fillas, sempre dende unha ollada práctica. 

Esta charla está dirixida a familias con nenos e nenas con idades comprendidas entre os 6 e os 16 anos. Abordaranse os seguintes contidos:

• Posicións, intereses e necesidades nun conflito.

• Os estilos de afrontamento nun conflito: o método "todas e todos gañan".

• A importancia das emocións na xestión do conflito.

• Como afrontar as respostas agresivas nun conflito. 

• Identificación de conflitos recorrentes.

• Estratexias prácticas para a resolución de conflitos. 

A charla será o mércores, 29 de abril, ás 18.30 horas no auditorio municipal da Ramallosa. Para poder participar deberán inscribirse no correo: educarenfamiliaconcellos@gmail.com.