Mecanografía básica para a rapazada

O Concello organiza un curso sobre mecanografía básica para a rapazada empadroada no Concello de Teo, con idades entre os 9 e os 13 anos. Serán un total de 15 horas onde os participantes aprenderán conceptos básicos da mecanografía, practicando con varias plataformas online, e así adquirir maior soltura co teclado do ordenador.

As clases serán os luns, mércores e venres do mes de agosto na aula de informática do Concello, situada no edificio Constante Liste, en horario de 10.00 h a 11.30 horas. A formación arranca o luns 3 de agosto e rematará o mércores 26 de agosto. 

O prazo de inscrición comeza hoxe, luns 20 de xullo, ata o vindeiro xoves, 30. Deberá presentarse a ficha cuberta no Rexistro Xeral do Concello. Hai un total de 10 prazas dispoñibles, que serán asignadas por estrita orde de inscrición.