Escola ecoloxista sobre fotografía e natureza

Chega unha nova sesión da Escola Ecoloxista de Teo! Nesta ocasión, faremos unha ruta por Cacheiras que estará cargadiña de moita arte!

Utilizaremos o superpoder que posuímos as persoas para ollar, e fotografiaremos o paso do tempo por Teo.

Como cambiou o medio ambiente nas últimas décadas? E as súas construcións?

Convidámosvos a vir e desfrutar connosco dunha ruta da que, de seguro, aprenderemos e non nos deixará indiferentes ante o paso do tempo.

Esta actividade farase o sábado 26 de marzo dende as 17:00 horas. Está dirixido a rapazada de 10 a 18 anos e para participar tes que anotarte no formulario en liña neste mesmo espazo.