Circus Magníficus. O máis difícil todavía

O Grande Marino, artista con notoria experiencia, tentará facer as delicias de grandes e pequenos a través das súas incribles destrezas circenses: malabares, equilibrismo, acrobacias…doma? Todo isto nun espectáculo único e irrepetible “O máis difícil todavía”.

Pola súa banda, Samuino, o inseparable compañeiro do Grande Marino, tentará axudar ao seu Mestre…aínda que, iso si, facendo unha interpretación das leccións aprendidas ao seu xeito, é dicir, desastrosamente.

“O máis difícil todavía” é un espectáculo clásico para tódalas idades, é unha combinación de teatro, acrobacias, malabares, clown e moitas….moitas risas. Non o podedes perder!

Este sábado 19 de novembro esperámosvos ás 18:00 horas no Auditorio Constante Liste. Podes facer a reserva neste mesmo espazo.