Festeo o 4 de xuño co concerto de Xabier Díaz & Adufeiras de Salitre

O FesTeo e a Feira da terra celébrase o 4 de xuño! 

É unha xornada de festa e encontro no que se pon en valor o tecido asociativo e cultural do Concello. Haberá música, baile, deportes cultura urbana e teremos a presenza dos movementos sociais coa participación destacada das entidades teenses.

As actividades da Feira da Terra comezarán ás 12:00 horas e durante a mesma haberá postos de venda de artesanía, alimentación, obradoiros de artesanía en vivo, música tradicional e polbeiro.

A programación do Festeo comezará ás 17:00 horas.

Teremos actuacións dos grupos das asociacións culturais de Teo nos seguintes horarios:

• 17:00 h. Sociedade Recreativa de Calo.
• 17:20 h. Asociación Cultural Cruceiro de Monte de Solláns.
• 17:40 h. Rosalía de Castro de Cacheiras.
• 18:00 h. A.C. A Pontevella de Reis.
• 18:20 h. A.C. A Mámoa de Luou.
• 18:40 h Banda cultural de Teo.

Dende as 17:00 horas, noutro espazo haberá exhibición e obradoiro de freestyle football.

Ás 19.15 h. comezarán as exhibicións deportivas de kárate, judo, tiro con arco e aeromodelismo de clubes e asociacións de Teo.

Na carballeira tamén haberá mesas informativas da AECC, de Aspamite ou do Consello local da infancia e adolescencia de Teo que terán un mercadillo solidario para recadar fondos para Ucraína e darán a coñecer o Consello climático xuvenil que está traballando contra o cambio climático.

O concerto de Xabier Díaz & Adufeiras de Salitre pecha a xornada ás 20:30 horas. Este concerto será de balde e non é preciso inscrición previa.

Máis info en: https://www.teo.gal/gl/festeo