O Servizo de Bono Social Eléctrico lévase a cabo todos os mércores, de 10.00 a 12. 00 horas, no Salón de Plenos
Benvidos ao Xeoportal do Concello de Teo.
O Departamento de Urbanismo presenta o Xeoportal do Concello de Teo, unha potente ferramenta en liña na que poderás atopar a información urbanística sobre o noso territorio.
O Plan Xeral de Ordenación Municipal (PXOM) a golpe de clic é, sen dúbida, un dos apartados desta nova web que máis interese pode espertar. Poderás buscar a información do Plan de maneira directa sobre o mapa, ou mediante a procura da referencia catastral, o lugar, ou o enderezo postal. Deste xeito poderás coñecer as características dunha parcela ao momento, a que tipo de solo pertence, se podes construír nela, se ten algún tipo de afección urbanística....
O Xeoportal tamén ten outros apartados de moito interese como o patrimonio cultural ou as imaxes do voo americano do 1956.
Para facilitar o acceso a esta nova ferramenta preparamos un espazo na que se explica con vídeos o uso dos distintos apartados do Xeoportal.
