O Servizo de Bono Social Eléctrico lévase a cabo todos os mércores, de 10.00 a 12. 00 horas, no Salón de Plenos
O Espazo de Traballo Colaborativo de Solláns acollerá en decembro un curso de edifición fotográfica e outro de gravación e edición de son.
O curso de fotografía será do 10 ao 14 de decembro e o de gravación e edición de son prográmase do 17 ao 21 de decembro. Nos dous casos serán de 17:30 a 20:00 horas. O derradeiro día rematan media hora antes.
Cada un dos cursos dispón de vinte prazas. Para anotarse hai que enviar un correo a emprego@teo.gal achegando copia do DNI e indicando teléfono de contacto e a ocupación (desempregado, estudante, outros...). O curso fotográfico admite anotacións do 3 ao 7 de decembro ás 14:00 horas e o de son do 10 ao 14 tamén ata as 14:00 horas. Se as solicitudes superan as prazas priorizarase:
- Residente no Concello de Teo
- Ocupación (desempregados, estudantes e o resto, nesa orde)
- Data de inscrición.
O día 7 publicarase unha listaxe das persoas admitidas no curso de fotografía e o 14 as admitidas no curso de edición de son.
Consulta aquí a listaxe de persoas admitidas no curso de fotografía
O curso de edición fotográfica ensinará o manexo e axustes da cámara, os trípodes e outros utensilios. Tamén se ofrecerán clases sobre iluminación, de retoque fotográfico básico con Gimp e de revelado dixital de fotografía capturada en formato RAW (darktable).
O curso de gravación e edición de son ensinará a utilizar equipos de captura, a edición con Audacity, e a produción, elaboración e publicación de podcasts e radio dixital.
En ambos os dous cursos é preciso levar ordenador portátil propio.
Arquivos descargables
| Attachment | Size |
|---|---|
| Cartaz cursos Concello_foto_video.pdf | 2.75 MB |
| CURSO EDICIÃ_N FOTOGRÃ_FICA.pdf | 56.1 KB |
