O Servizo de Bono Social Eléctrico lévase a cabo todos os mércores, de 10.00 a 12. 00 horas, no Salón de Plenos
O Concello de Teo, como entidade pertencente á Rede de Dinamización Lingüística, convídate este sábado 23 de xuño, ás 12 h no Auditorio Constante Liste, a unha nova e divertida aventura dos Bolechas, que servirá, ademais de para pasalo ben, para mostrarlles aos máis pequenos a importancia de coidarmos o monte e a maneira de facelo, iniciándoos na prevención dos incendios forestais.
O obxectivo é fomentar, canda a educación ecolóxica dos cativos e cativas, a súa participación en galego na resolución do conflito proposto no guión. Para iso, Os Bolechas solicitarán a intervención do público en probas de habilidade axeitadas para rapaces de 3 a 9 anos e establecerán un diálogo cos nenos e nenas acerca do monte, da súa fauna e da súa flora.
Para que a actividade de dinamización lingüística teña continuidade máis alá do día do espectáculo, os e as asistentes a el obterán unha palabra clave que lles permitirá acceder ao web www.osbolechas.gal/amigomonte/, onde atoparán diversos contidos (xogos, diplomas, unidades didácticas...) e poderán participar en sorteos de lotes de libros.
A entrada ao espectáculo será libre ata completar o aforo por orde de chegada á sala.
Concerto de Magín Blanco
Por outra banda o venres 22 ás 19:00 horas no Auditorio Municipal Constante Liste na Ramallosa temos concerto de Magín Blanco e a banda das apertas. Trátase dunha actividade indicada para un público familiar. É de balde ata completar aforo.
Máis novas
