O Servizo de Bono Social Eléctrico reanudarase o 3 de setembro de 2025
O Concello enviou unha solicitude ao Ministerio de Transportes e Mobilidade Sostible para que mellore a iluminación en varios tramos da estrada N-550, ao seu paso pola Travesía das Galanas, na parroquia de Calo.
Concretamente, á altura do punto quilométrico 69, atópase un paso de peóns insuficientemente iluminado para garantir a seguridade vial. Ademais, na zona existen varias paradas de transporte, tanto metropolitano como escolar, polo que urxe reforzar a luminosidade e sinalización para evitar incidencias. Falamos dunha estrada con moito tráfico diario.
Así mesmo, nesa mesma petición realizada ao Goberno central, indícase que na intersección da N-550 coa VG1.7 tamén é preciso mellorar a iluminación, tanto na rotonda como das sinais verticais. En base ao informe da Policía Local de Teo, solicítase a instalación duns focos centrais que abarquen todo o perímetro da dita intersección.
O obxectivo desta demanda, a cal incluiu fotografías para dar mostra do problema, é mellorar a iluminación nunha vía de titularidade nacional pola que, diariamente, circulan moitos turismos e vehículos pesados. O tráfico é importante é compre reforzar a seguridade viaria e peonil nese tramo para evitar accidentes ou outras incidencias.
