andainas Elas: Corresponsable(s)

Ao remate das vacacións e das festas de nadal, volvemos coas pilas recargadas para seguir construíndo xuntas ao longo do camiño. Para a primeira andaina deste ano, falaremos de corresponsabilidade. Analizaremos que responsabilidades nos pertencen e cales asumimos sen que nos correspondan, simplemente por telo normalizado dende sempre. Dende a corresponsabilidade podemos levar a cabo uns coidados máis saudables, para mellorar ao mesmo tempo a nosa calidade de vida. Así que non o dubides, e anímate a camiñar con nós o próximo domingo 15 de xaneiro pola zona do castro Lupario.