Astronomía e Cultura nas noites de estrelas do Concello de Teo

Co verán recentemente estreado volven ao noso concello clásicos coma a Observación do ceo nocturno no Patrimonio Arqueolóxico de Teo.

O Departamento de Cultura programa para este ano dúas sesións de aproximadamente 3 horas de duración. A primeira será o venres 18 de xullo ás 22:30 horas. Partiremos da Carballeira da Igrexa de Luou para dirixirnos ao Petroglifo da Pena Bicuda e desde alí descubrir a Astronomía Cultural no noso territorio.

A actividade ten unha duración aproximada de 3 horas e é recomendable levar roupa axeitada e algo para sentar ou pousar no chán.

Data: venres 8 de agosto

Hora: 22:30 h.

Lugar: Carballeira da Igrexa de Luou

IMPORTANTE: No momento da inscrición é necesario indicar o nome completo, DNI, data de nacemento e procedencia de tódolos asistentes no apartado OBSERVACIÓNS.

Se unha vez reservada a praza non poden asistir agradecemos que o comuniquen no Departamento de Cultura.