De algo hai que morrer

Malasobra presenta "De algo hai que morrer", unha conferencia fúnebre-cómico-teatral.

Dous prestixiosos e peculiares científicos, o profesor Jeckill e o profesor Hyde, divulgan as súas investigacións sobre un tema que afecta ao cen por cen da poboación de todo o mundo sen distinción de raza, sexo ou condición: A Morte.  

Ao longo da conferencia, os dous profesores disertan,  dramatizan e dan resposta a preguntas sobre diversos temas relacionados co asunto principal. A vida. 

Vivir é bonito ou está sobrevalorado? 

A inmortalidade. Como sería o mundo se fósemos inmortais? 

Os sinais. Chega a morte sen avisar ou hai pistas que a anuncian? 

Maneiras de morrer. Morremos sempre de repente? 

O suicidio creativo. Desfruta do teu derradeiro momento 

O asasinato. Son os xenocidas heroes ecolóxicos incomprendidos? 

As guerras. Por que están tan mal vistas?  

A pena de morte. Análise das formas de execución e posibles melloras. 

O enterro (ou como desfacerse do cadáver). A vida despois da morte. O túnel, a luz e a axencia de colocación de defuntos.  

O final. Sairemos vivos desta conferencia? Ou corremos o perigo de morrer de risa? 

Data: sábado 5 de outubro

Hora: 21:00 horas

Lugar: Auditorio Constante Liste

Para asistir é necesaria a reserva de praza, que podes facela neste mesmo espazo.