EXCURSIÓN DAS MULLERES DE TEO

O vinderio 11 de maio teremos a excursión das mulleres de Teo. A primeira parada será en Pontedeume, onde coñeceremos a torre dos Andrade para logo achegarnos ao Pazo de Maríñán.

Despois de xantar, teremos unha visita guiada por Betanzos, coñecida como a “Cidade dos Cabaleiros”. Betanzos é unha xoia galega que se distingue pola súa rica historia e arquitectura gótica, conserva un gran número de edificios históricos e monumentos que reflicten o seu rico patrimonio cultural. O casco histórico de Betanzos é un dos mellor conservados de Galicia. Declarada Conxunto Histórico-Artístico en 1970, as súas empinadas rúas acollen un gran número de pequenos comercios e vivendas, ademais de varios edificios salientables, como o Concello de Betanzos, a torre do reloxo e a Casa Núñez.

Logo de ver a vila, achegarémonos ao laberinto de Breogán, onde andaremos perdidas durante un bo rato ata que atopemos a saída A nosa visita rematará arredor das 20:00, que volveremos para Teo.

As prazas concederanse por orde de inscrición, O prezo é de 25€ por persoa e para facer o pagamento recibiredes o documento de pago no correo, tamén podedes recollelo no departamento de cultura do concello. O prazo para o pagamento remata o 2 de maio.