GOZA DO ULLA EN TEO DE PONTE A PONTE, DA DORNA Á MARIOLA

Data e hora

11/05/2025 - 09:00

Localización

PUNTO DE ENCONTRO: ÁREA RECREATIVA DO XIRIMBAO

Como chegar

Prazas dispoñibles

Inscribirse

Prazas por persoa

Esta ruta lineal dunha distancia aproximada de 9 kms, discorre pola marxe dereita do río Ulla aproveitando camiños de paso e sendas de pescadores (Rede Natura 2000). Ten o seu inicio na ponte da Dorna na parroquia de Sta. Mª. de Teo, punto limítrofe dos concellos de Vedra e Teo e o remate na ponte da Mariola, no couto de pesca sen morte de Couso.

No seu percorrido atopámonos con numerosos puntos de interese: contorno natural da Dorna, da devesa do Agromaior, desembocadura dos afluentes do Ulla (Pereiro e Sta. Lucía), burga de Xermeade, ponte medieval de Pontevea, pesqueiras, árbores senlleiras (as secuoias do Xirimbao), couto de pesca sen morte e a ponte colgante da Mariola.

Nivel de dificultade: media baixa (durante o percorrido hai un tramo de pedras de 250 metros cun nivel de dificultade medio - alto)

Observacións

- Recoméndase utilizar calzado impermeable (waterproof) e bastóns de sendeirismo. Hai tramos con pedras e auga.
- Recoméndase utilizar roupa axeitada para camiñar.
- Realizaremos varias paradas nas que se poderá, descansar, beber ou comer algo.
- Contaremos cun avituallamento de auga e froita.
- Servizo de traslados desde o punto de encontro ata o punto de saída da ruta.
- Actividade suxeita ás previsións meteorolóxicas.

Inscribirse