HISTORIA E HISTORIAS COMPARTIDAS....TEO, TERRITORIO XACOBEO

No marco da Campaña Turística Teo.Todo por descubrir 2026, o Concello de Teo organiza a tertulia “Historia e historias compartidas… Teo, territorio xacobeo”, unha proposta que convida a achegarse á historia, á cultura e ás tradicións vinculadas aos Camiños de Santiago ao seu paso polo municipio.

A xornada comezará cun acto de apertura e benvida, para dar paso a unha tertulia arredor dos itinerarios culturais, a memoria e o patrimonio do Camiño de Santiago. Nesta conversa participarán persoas expertas que abordarán a creación do Xacobeo moderno, a evolución histórica do Camiño e o patrimonio inmaterial, incluíndo lendas e simbolismo.

A actividade incluirá tamén un espazo de diálogo aberto co público, fomentando a participación e o intercambio de coñecemento, así como unha intervención musical a cargo da soprano Esperanza Mara.

O acto rematará cunha intervención institucional e peche.

Programa

• 19:30 h – Apertura do acto e benvida
• 19:35 h – Inicio da tertulia: Itinerarios culturais, memoria e patrimonio dos Camiños de Santiago
  • Víctor Vázquez Portomeñe – A creación do Xacobeo moderno
  • Manuel Garrido – Evolución histórica do Camiño de Santiago
  • Lidia Mariño – Patrimonio inmaterial, lendas e simbolismo
• 20:05 h – Diálogo aberto co público
• Intervención musical: Esperanza Mara (soprano)
• Intervención institucional
• Peche do acto