Onde Keiras Cociña ao vivo

🥄 Cociña ao vivo "Onde Keiras" na Feira do San Martiño 2025
🌿 Gastronomía sostible con produto Daquí Darredor
👨‍🍳 Da man do chef Manuel Rey

O vindeiro 11 de novembro, a Praza Cultural do San Martiño converterase nun espazo para gozar da boa mesa con sentido, onde tradición, tempada e sustentabilidade van da man. Chega Onde Keiras, unha actividade de cociña ao vivo que amosa como crear pratos saborosos usando ingredientes locais, de proximidade e con criterios de economía circular.

💚 Que se vai preparar?
✨ Cachopo recheo de shiitake, un prato que reinventa a receita tradicional incorporando cogomelo cultivado na contorna, achegando textura, sabor e valor ao produto de proximidade.
✨ Como remate doce: doce de arándanos feitos con froita fresca da horta ecolóxica de TeoBerries, produtor con certificado de Artesanía Alimentaria no concello de Teo.

Durante a sesión, o chef Manuel Rey explicará como aproveitar os ingredientes da terra reducindo desperdicio alimentario, apoiando produtores locais e reforzando a economía circular: o que se produce aquí, consúmese aquí.