Pedalea no Bosque de noso na Ramallosa

Este Nadal en Teo temos un Bosque de noso que precisa da colaboración comunitaria para alumear. O bosque de inverno está formado por árbores, réplicas das árbores de noso que están instaladas nas áreas comerciais, e varios animais. Ao carón do recuncho navideño hai varias bicicletas que sirven para alumear as figuras. Así que se visitas o bosque de noso vén con folgos para pedalear e alumear este espazo de Nadal.

O bosque de noso está instalado no pavillón da Ramallosa e estará aberto ao público do 26 de decembro ao 6 de xaneiro, en días de semana, de 17:00 a 20:00 horas.