O Servizo de Bono Social Eléctrico lévase a cabo todos os mércores, de 10.00 a 12. 00 horas, no Salón de Plenos

RUTA TEATRALIZADA "PER CAMINHO DE LAMPAI"

Data e hora

Localización
Carballeira e capela de Santa Ana, Lampai
Como chegar

Prazas dispoñibles
40
Inscribirse

Prazas por persoa
4

Esta visita teatralizada, da man da compañía Os Quinquilláns, convértese nunha auténtica viaxe no tempo. A través da interpretación e a narración, mergullarémonos no medievo, ao tempo que faremos un percorrido por distintas épocas que conforman a historia desta aldea, reflectindo tamén a memoria colectiva do Concello de Teo, unha memoria que cómpre conservar.

O nome da ruta procede dun verso dunha cantiga de amor do trobador compostelán Joán Airas, na que expresa a súa desesperanza pola marcha da muller amada cara Portugal. Ese camiño medieval, cargado de simbolismo, atravesaba o Concello de Teo de norte a sur, ascendendo cara Lampai en dirección a Padrón.

O itinerario discorre principalmente a carón dun fermoso bosque de ribeira, onde se conservan varios muíños tradicionais. O traxecto leva ata o Marco Porto de Lampai, un bloque granítico datado no ano 1156 que actualmente marca o límite entre os concellos de Teo e Padrón.

Trátase dun percorrido circular de aproximadamente 5 km, con saída e chegada na capela de Santa Ana (Agrela, Lampai).

Observacións
Recoméndase levar calzado e roupa cómoda axeitada para camiñar.
- Actividade suxeita ás condicións meteorolóxicas.
- DESEXOS DE PASALO BEN!!!
INFORMACIÓN IMPORTANTE SOBRE A RESERVA
As actividades son de balde, pero teñen prazas limitadas e requiren inscrición previa.
Reservar praza implica un compromiso de asistencia. Se finalmente non podes acudir, é imprescindible avisar con antelación escribindo a turismo@teo.gal ou ao número de whatsApp de TeoTurismo +34 698 18 68 91
⚠️ A cancelación debe realizarse exclusivamente neste enderezo e/ou no número móbil corporativo facilitado
Non se tramitarán cancelacións enviadas ao correo automático de confirmación (nonresponder@teo.gal).
As persoas que non comuniquen a súa ausencia:
📌 Na primeira ocasión, pasarán á listaxe de agarda nas seguintes actividades.
📌 Nunha segunda ocasión, non poderán formalizar novas inscricións.
Agradecemos a responsabilidade e colaboración de todas as persoas participantes para garantir un acceso xusto ás experiencias.
Inscribirse
Per caminho de Lampai

Outros eventos por vir