VISITA TROBADORESCA E DRAMATIZADA A TRAVÉS DAS PONTES TEENSES

As pontes da vida

Historias e viaxeiros a través das pontes e pontellas de Teo

As pontes non só unen beiras: gardan historias, lembranzas e pasos que foron tecendo o territorio ao longo dos séculos.

Nesta visita dramatizada e mesmo musical, Suso Martínez e Manuele de Felisa conduciranos por unha viaxe narrativa a través das pontes e pontellas de Teo, lugares de tránsito que funcionaron como auténticas bisagras da historia. Espazos que comunicaron parroquias, camiños e persoas, e que artellan un territorio milenario no que as augas seguen fluíndo mentres a memoria permanece.

Un percorrido para escoitar, camiñar e descubrir como as pontes foron escenario de encontros, despedidas, comercio, peregrinacións e vida cotiá.

📍 Información práctica

Punto de encontro (inicio e fin da actividade):
Casa Consistorial de Teo (A Ramallosa)

Horario de saída do bus: 10.00 h
Duración aproximada: 3 horas

Utilizarase un bus de apoio para os desprazamentos entre parroquias.
O percorrido inclúe aproximadamente 5 km a pé, distribuídos en diferentes tramos.

🗺 Percorrido previsto

• Pontella e lavadoiro do río Tinto e da Pedreira, no Camiño Portugués teense (parroquia de Calo)
• Rúa de Francos (Calo) e camiñada ata a ponte de Paradela (aprox. 1,5 km)
• Ponte medieval de Caxade (Luou)
• Ponte Nova de Rarís, recentemente restaurada
• Ponte medieval de Pontevea (parroquia de Reis)
• Pasarela da Mariola, na área recreativa do Xirimbao