XI Rutas Nocturnas polos Petroglifos Teenses

Cultura presenta un ano máis, en colaboración co Colectivo A Rula, as XI Rutas Nocturnas polos Petroglifos Teenses.

No mes de xullo teremos a ruta Á Beira do Angueira. Será o día 6 ás 21:30 horas e o lugar de encontro será a Capela de Cornide.

Trátase de una andaina circular deseñada para a visita nocturna con luz artificial ós petróglifos o que permite apreciar mellor todos os detalles destas excepcionais mostras do chamado Grupo Galaico da Arte Rupestre.

O percorrido destaca pola gran diversidade de motivos que posúen estas laxes, dende os característicos gravados de temática xeométrica, ós gravados de motivos figurativos ou un singular deseño central.

A ruta ten unha distancia aproximada de 5 km ( 2 - 3 horas) e é recomendable levar lanterna, auga, chaleco reflectante e roupa e calzado cómodo.

Data: Sábado 6  de xullo

Hora 21:30 horas

Lugar: Capela de Cornide

Para asistir hai que facer a reserva previa neste mesmo espazo.

A inscrición pecharase o día 5 de xullo ás 13:00 horas.

Observacións
Grazas por participar nesta nova sesisón das Rutas nocturnas polos Petróglifos teenses. Lembra levar roupa e calzado cómodo, chaleco reflectante, lanterna e auga.

IMPORTANTE: No apartado Observacións é necesario indicar o nome completo, DNI, data de nacemento e procedencia de tódolos asistentes. En caso de non poder asistir agradecemos que o comuniquen.