XORNADA MICOLÓXICA E GASTRONÓMICA NO CONCELLO DE TEO

Programa 

10.00 h Presentación O reino fungi

10.30 h Presentación Os principais grupos de cogomelos

11.30 h Saída ao campo: identificación e recolección.

14.30 h Xantar campestre

15.45 h Clasificación do recollido durante a saída. Emprego de guías e claves dicotómicas.

17.00 h Cociña ao vivo de cogumelos e degustación co chef Manuel Rey

Trátase dun día completo que se inicia ás 10.00 h cunha charla divulgativa sobre micoloxía e coa proxección dos principais grupos de cogomelos na casa Común de Rarís.

A saída ao monte para a identificación e recolección por especies farase a pé; unha agradable camiñata de 1 km e medio aprox ata a Fraga de Sestelo ou en coches particulares se as zonas de maior interese de recolección quedan moi afastadas ou a meteoroloxía asi o aconsella.

O xantar farase na Casa Común de Rarís arredor das 14.30 h. A comida e bebida é a cargo dos participantes.

A xornada da tarde consistirá na clasificación das especies recollidas con emprego de claves dicotómicas e guías. 

A actividade rematará cunha experiencia de cociña ao vivo (showcooking) dunha duración aprox de 2 horas e degustación dos pratos elaborados da mán do restaurador Manuel Rey,  membro do proxecto "Daquí Darredor Saberes, Sabores e Sentimentos"