O Servizo de Bono Social Eléctrico lévase a cabo todos os mércores, de 10.00 a 12. 00 horas, no Salón de Plenos
O Concello de Teo súmase á celebración do Día Mundial do Medio Ambiente, o vindeiro domingo 5 de xuño, coa realización dun mural que reivindica as prácticas sostibles na agricultura e pretende concienciar sobre a necesidade dunha alimentación sana, en beneficio tanto da saúde humana como da preservación do medio natural.
A pintura emprázase na ponte baixo a autoestrada AP-9 entre Solláns e Cacheiras. Aproveitando as paredes das dúas marxes do vial, confronta o modelo de agricultura respectuosa coa natureza co que utiliza elementos como os pesticidas. A tomateira do modelo sostible aparece coas súas follas e froitos naturais, e coa fauna propia do seu ecosistema. A planta sobre a que se empregaron pesticidas xera arame de espiño en vez de pólas e tomates con forma de granada mortífera, como expresión do seu risco para a saúde.
Nesta liña, o Concello de Teo impulsou desde hai case catro anos a celebración do Mercado do Alimento Labrego, cada sábado pola mañá na urbanización dos Tilos. Nel ofrécense produtos frescos e de tempada, sen intermediarios e procedentes de hortas de Teo e da contorna. A cita forma xa parte dos hábitos da veciñanza, que apreza neste mercado a calidade e as garantías para unha alimentación sa e natural.
Máis novas
