O Servizo de Bono Social Eléctrico lévase a cabo todos os mércores, de 10.00 a 12. 00 horas, no Salón de Plenos
A rapazada do Fopia (Foro de Participación da Infancia e Adolescencia de Teo) impulsa unha recollida de fondos para Ucraína. Contan coa colaboración desinteresada de empresas e entidades nas que se instalaron petos para a recollida dos cartos.
Os lugares nos que podedes atopar algún dos petos desta campaña son os seguintes:
- As farmacias de Teo.
- Asociación ARCOS Tilos.
- Anpa Río Tella do colexio da Ramallosa.
- Clube Patinaxe
- Asociación Galocrín.
- Piscina da Ramallosa.
- Aspamite.
- Sociedade Recreativa San Xoán de Calo.
- IES de Cacheiras.
- Ceips de Calo, Os Tilos e A Ramallosa.
- Librería D´Ana.
- A Vagoneta educativa.
- Perruquería Lidia Mosquera.
Dende o Concello agradécese a colaboración destas entidades con esta iniciativa solidaria da mocidade do Concello de Teo, que participa no Fopia.
Os fondos recadados serán ingresados na conta bancaria de ACNUR, a Axencia da ONU para as persoas refuxiadas.
A rapazada que participa no Fopia deseñou toda a campaña e tamén a cartelería e imaxe da mesma na que aparecen debuxos que amosan a destrución que provocan as guerras e os enfrontamentos bélicos. Tamén se recolle o lema "Non á guerra. Nas guerras non hai bando gañador, só perdedor". Unha mensaxe clara que traslada a mocidade de Teo e que interpela directamente á sociedade que quere colaborar dalgún xeito con este drama que está acontecendo coa guerra en Ucraína.
