O Servizo de Bono Social Eléctrico lévase a cabo todos os mércores, de 10.00 a 12. 00 horas, no Salón de Plenos
O Concello licita o contrato que abarca o servizo de campamentos de verán, concretamente a xestión e o desenvolvemento do campamento de verán infantil e o campamento de verán xuvenil do Concello de Teo, para facilitar unha alternativa de ocio para nenas e nenos.
Levarase a cabo durante o verán do ano 2024, para menores de idades comprendidas entre os 7 e 11 anos para o caso do campamento infantil e entre os 12 e 17 anos para o caso do campamento xuvenil, fóra do municipio de Teo.
Este contrato limítase ao verán de 2024 e ten un orzamento base de licitación, con IVE incluído, de 88.418,89 euros.
O prazo de presentación de propostas é de 15 días naturais contados desde hoxe, día seguinte á publicación no perfil na Plataforma de Contratación do Sector Público.
