O Servizo de Bono Social Eléctrico lévase a cabo todos os mércores, de 10.00 a 12. 00 horas, no Salón de Plenos
O Concello pon en marcha, un ano máis, a campaña "Nadal con agasallos", co obxectivo de que todas as familias teenses con crianzas teñan un nadal con agasallos.
Así, durante o mes de decembro (ata o día 15, incluído), poderedes atopar vales de 5 euros nos establecementos colaboradores de A Vagoneta Educativa, A Librería d’Ana e Multicentro Pernas. O importe ingresado por eses vales utilizarase para mercar regalos nestes mesmos locais e serán entregados logo ás familias para quetodos os nenos e nenas poidan desfrutar da maxia destes días.
Como xa sabedes, dende a área de Benestar, traballan todo o ano para atender ás familias vulnerables e en decembro poñen en marcha esta campaña para os máis pequenos da casa.
Agardamos que a campaña siga tendo a mesma acollida que en edicións anteriores, demostrando que a poboación de Teo é xenerosa e empática coa súa veciñanza.
Máis novas
