CONCURSO DE CURTAS XUVENIL. ANO 2024.

O Concello de Teo convoca o Concurso de curtas xuvenil 2024 baixo o título “Historias que nos moven”. Este certame pretende promover a cultura creativa e a participación social entre a súa mocidade, fomentando a expresión artística e o desenvolvemento das habilidades audiovisuais. 

Desta forma, o Goberno local quere coñecer de primeira man e dun xeito orixinal e inédito as inquedanzas da súa xuventude, fomentar a empatía entre eles e os comportamentos positivos cara as temáticas obxecto do certame. Ademais, só poderán participar mozos e mozas de entre 12 e 18 anos, ambos incluídos, que estean empadroados no Concello de Teo. 

Para presentarvos tedes que entregar o voso traballo  ao enderezo electrónico: mocidade@teo.gal. 

Neste correo tedes que presentarvos e nesa presentación poñedes o enlace da ligazón do voso traballo. Así mesmo tedes que incluír a seguinte documentación que atoparedes aquí na web:
 

- Ficha de inscrición que inclúe autorizacións e declaración xurada da orixinalidade dos traballos e aceptación das bases do
concurso..

- Fotocopia do DNI dos/as participante/s.

- Os/as participantes menores deberán incluír unha autorización de participación
asinada polo pai/nai ou titor/a legal.

A solicitude de participación no concurso implica o coñecemento e aceptación íntegra das bases que regulan esta convocatoria, o cumprimento dos requisitos de participación esixidos, a aceptación do fallo do xurado e, no seu caso, a interpretación destas bases.