O Servizo de Bono Social Eléctrico lévase a cabo todos os mércores, de 10.00 a 12. 00 horas, no Salón de Plenos
O director de Turismo de Galicia, Xosé Merelles, desprazouse ao Concello para manter un encontro coa alcaldesa, Lucía Calvo, e analizar distintas actuacións para a posta en valor do contorno natural do Camiño Portugués ao seu paso polo municipio.
O director de Turismo de Galicia e a rexedora visitaron distintos tramos que percorren os peregrinos, visitando núcleos municipais como Faramello, no contorno do Albergue de Peregrinos de Teo, pertencente á rede do xacobeo; a Carballeira de Francos e tamén o trazado polas Galanas, próximo ao lavadoiro municipal. Neste senso, cómpre salientar a importancia do mantemento e embelecemento destas zonas que contribúen a xerar unha experiencia dos peregrinos que optan por esta ruta.
